Quenes somos

ARELAS, Asociación de familias de menores e mocidade Trans de Galicia, naceu en xullo de 2015 para loitar polos dereitos e dar a coñecer a realidade das crianzas e mocidade trans, nunha comunidade autónoma onde esta realidade permanecía agochada e invisibilizada. Somos familias de toda Galicia que buscamos a felicidade e un futuro vivible para xs nosxs filles.

Sobre nós

Arelas

Pero ARELAS tamén é e será o que é, grazas a moitas persoas quen ser ser familias, regaláronnos o seu acompañamento na loita e o traballo de maneira altruísta. Desde aquí o noso recoñecemento e agradecemento infinito. Sempre formaredes parte desta gran familia.

Os fins da entidade son os seguintes:

  • O traballo pola consecución da igualdade de oportunidades e de dereitos dxs menores e mocidade trans en todos os ámbitos da vida pública e privada, loitando por acadar unha sociedade plural, diversa e libre de discriminación por razón de identidade sexual.
  • A visibilización, naturalización e difusión da realidade dxs menores e mocidade trans e as súas familias, así como a remoción de estereotipos e prexuízos contra as persoas trans.
  • A loita contra a estigmatización, a discriminación e as diferentes formas de odio e maltrato, directo e indirecto, dirixidas contra as nenas e mulleres xóvenes trans, especialmente en contextos de violencia de xénero.
  • Promover a participación das persoas trans, sobre todo as nenas e mulleres adolescentes trans, na vida social, política, cultural, deportiva e económica.

Tamén en:

  • Promover a despatoloxización da transexualidade en todos os ámbitos de atención a menores e mocidade trans.
  • Ofrecer apoio, orientación e asesoramento ás familias e persoas trans que o demanden (ata 25 anos).
  • A loita contra a estigmatización, a discriminación e as diferentes formas de odio e maltrato, directo e indirecto, dirixidas contra as nenas e mulleres xóvenes trans, especialmente en contextos de violencia de xénero.
  • O traballo pola capacitación e inserción laboral e social das persoas trans.
  • A mediación entre persoas trans e familias que sí o soliciten.
  • Desenvolver actividades de sensibilización e formación (seminarios, charlas, publicacións, obradoiros, accións audiovisuais, encontros, etc.) versadas na transexualidade infanto-xuvenil.
  • Elaboración e colaboración na creación de protocolos no ámbito educativo, sanitario, deportivo, social e cultural, xa a nivel autonómico, local e/ou estatal; así como promover a lexislación necesaria para garantir os dereitos dxs menores e mocidade trans e as súas familias.
Fins e valores

Valores

Solidaridade

Entendida como un acompañamento voluntario a todas aquelas persoas trans e as súas familias que se poidan sentir desorientadas e soas nun camiño, as veces incerto.